लहानपण

 एक लहानपण होतं,

त्यात फक्त आनंदच आनंद होता. 

स्वप्न तर मोठमोठी होती,

पण मन तर खेळायच्याच नादात होतं.

शाळेतून आल्यानंतर कंटाळा तर यायचा,

पण मित्रांचा गोंगाट ऐकून पळून जायचा.

दिवस कसा गेला हे कळत नसायचं, 

मात्र संध्याकाळी आजीच्या गोष्टींची ओढ मात्र असायची. 

चांदण्या मोजता मोजता झोप तर लागायची, 

पण स्वप्नातील परी लगेच उठवायची. 

असं वाटतं लहानपण हे लहानपणच असतं, 

प्रत्येकाच्या आयुष्यातील गोड पण असतं.